Ko’pchilikka jemli yumshoqina bulochkalar bolaligini eslatib yuborsa ajab emas!

Bunday bulochkalarni xohlagan jem yoki murabbola bilan tayyorlash mumkin.

Masalliqlar:

450-500 gramm un

250 millilitr iliq sut

7 gramm quruq xamirturush

75 gramm shakar

1 ta tuxum

40 gramm sariyog'

30 millilitr o'simlik yog'i

1 choy qoshiq vanil shakari

1/2 choy qoshiq tuz

120 gramm jem

1 dona tuxum sarig'i

Boshlaymiz. 1 Qadam

Tog'orachaga sut, xamirturush va shakarni solib, aralashtirib olamiz. 10-15 daqiqaga qoldiramiz

2 Qadam

So'ng esa eritilgan sariyog', tuxum, o'simlik yog'i, vanil shakari va tuzni solamiz. Yaxshilab aralashtirib olamiz

3 Qadam

Unni oz-ozdan solib, yumshoqina xamir qorib olamiz

4 Qadam

Xamir ustini yopib, 1-1.5 soatga qoldiramiz

5 Qadam

Xamirni 15 ta bir xil bo'lakchalarga bo'lamiz va pech patnisiga terib chiqamiz

6 Qadam

Xamir bo'lakchalarini ustini chuqurcha qilib chiqamiz va ustini yelim xalta bilan yopib, 20 daqiqaga qoldiramiz

7 Qadam

So'ng o'sha teshikchalarga jemdan solib chiqamiz. Tuxum sarig'ini ham surtib chiqamiz

8 Qadam

190 C darajada qizigan pechga qo'yib, 25-30 daqiqa davomida pishirib olamiz. Bulochkalar ozroq sovigandan keyin, shakar upasi sepamiz. Yoqimli ishtaha!