Qatlamali xamirdan qilingan pishloq va ko’katli o’ramalar

Bunday pishiriq birinchi martadanoq sizning eng sevimli yeguligingizga aylanishi aniq.

Tayyorlash jarayoni oddiy va tezligi sabab ham ularni bemalol ertalabki nonushtag ham, kechki ovqatga ham tayyorlash mumkin.

Qiymasiga esa ta’bbga qarab har xil masalliqlardan solish mumkin bo’lib, masalan, qovurilgan qiyma, tuxum va ko’k piyoz, kartoshkali pyure, tovuq va qaynatilgan guruch va hokazo.

Bu safargi tayyorlashda pishloq va ko’katlar solindi. Eng asosiysi esa tayyor xamirning mavjudligida.

Masalliqlar:

500 gramm tayyor qatlama xamir

200 gramm pitsaga mo'ljallangan motsarella pishlog'i

0.5 bog' xohlagan ko'katlar

1-2 osh qoshiq sut

ta'bga qarab qora murch

ta'bga qarab quritilgan qalampir (paprika)

ustiga sepish uchun kunjut

ustiga surtish uchun tuxum

Boshlaymiz. 1 Qadam

Pishloqni qirg'ichdan chiqarib olamiz. Ko'katlarni esa mayda qilib to'g'raymiz. Murch va quritilgan qalampir qo'shib, aralashtirib olamiz

2 Qadam

Agarda pishloq sho'rroq bo'lsa unda tuz solish shart emas

3 Qadam

Xamirni xona haroratida yumshatib olamiz va 30x30 sm kattalikda yoyib olamiz

4 Qadam

5 sm qalinlikda 6 ta uzun lentalar kesib chiqamiz

5 Qadam

Silikon cho'tka yordamida xamirning chetlariga ozroq sutdan surtib chiqamiz, shunda xamir chetlari yaxshi jipslashadi

6 Qadam

Pishloqli aralashmani xamir bo'laklariga uzunchoq qilib solib chiqamiz va xamirning bir tomonini ko'tarib, ikkinchi tomonini yopamiz

7 Qadam.

Uzunchoq xamirlarni chokini pastga qaratib, spiralsimon shaklda o'rab chiqamiz

8 Qadam

Pishiriqlarni patnisga terib, ustidan tuxum surtamiz va kunjut sepamiz

9 Qadam

180 C darajada qizigan pechga qo'yib, 25 daqiqa davomida pishirib olamiz. Yoqimli ishtaha!