Скоро Обновление и Улучшения на Сайте - Будьте с Нами
Подпишитесь и Будьте Вместе с Нами
Shirin apelsin qaylasida namlangan mazali, xushbo’y va yupqa quymoqlar retseptini taqdim etamiz.

«Krep syuzett» quymoqlari – fransuz klassikasi hisoblanadi. Va ular sizni fransuz kafesining romantik muhitiga olib boradigan mazali desert bo’la oladi.

Masalliqlar:

250 gramm iliq sut

140 gramm un

50 gramm sariyog'

2 ta tuxum

3 osh qoshiq shakar

1/4 choy qoshiq tuz

APELSINLI QAYLA UCHUN:
200 gramm shakar

150 millilitr suv

100 millilitr apelsin sharbati

50 gramm sariyog'

2 osh qoshiq limon sharbati

1 ta apelsin po'sti

Boshlaymiz. Qadam 1 Quymoq tayyorlaymiz
Un bilan sariyog'da qo'lda yaxshilab shqalab olamiz
Qadam 2
Boshqa idishda tuxum va sutni aralashtirib, so'ngra unli massaga qo'shamiz. Aralashtiramiz
Qadam 3
So'ngra xamirga yumshoq sariyog' qo'shib, aralashtiramiz
Qadam 4
Ustini yopib 30 daqiqaga tindirib qo'yamiz
Qadam 5
30 daqiqadan so'ng tovani qizdirib, yupqa quymoqlar pishirib olamiz. Taxminan 12-15 ta quymoqlar hosil bo'ladi
Qadam 6 Qayla tayyorlaymiz
Idishda shakar, apelsin po'sti, suv, apelsin va limon sharbatini aralashtiramiz. Olovga qo'yib, past olovda taxminan 10 daqiqa qaynatamiz
Qadam 7
Tovaga sariyog'ni yarimini qo'yib, qizdiramiz. Ozroq qayla quyib, ustidan uchburchak shaklidagi quymoqlarni ikki taraflam qayla qiyom holiga kelmagunicha qizdirib olamiz. Barcha quymoqlarni shunday pishirib olamiz
Qadam 8
Quymoqlarni likopchalarga qo'yamiz. Ta'bga ko'ra quymoqlarga qaymoqli muzqaymoq bilan bezak berishingiz mumkin. Yoqimli ishtaha!