Necha-necha yillar o’tsa ham, «Yong’oqcha» pechenyesi haligacha sevib iste’mol qilinadi.

Bunday pechenyelarni tayyorlash juda ham oson, eng asosiysi esa ularni tayyorlash uchun kerakli qolip bo’lsa bas.

Masalliqlar:

400 gramm un

2 ta tuxum

100 gramm shakar

140 gramm eritilgan sariyog'

1 choy qoshiq vanil shakari

1 choy qoshiq qabartma

200 gramm tozalangan yong'oq

1 banka qaynatilgan quyultirilgan sut

Boshlaymiz Qadam 1

Tuxum bilan shakarni yaxshilab ko'pirtirib olamiz. Shakar oxirigacha erishi kerak

Qadam 2

Eritilgan, iliq sariyog' va vanilinni tuxumli aralashma ustidan solamiz va aralashtirib olamiz

Qadam 3

Un bilan qabartmani elab solamiz va yumshoqqina xamir qoramiz.

Qadam 4

Un biroz ko'proq yoki kamroq solinishi mumkin.

Qadam 5

Xamir sal yog'li bo'ladi, bundan xavotir olmang, shunday bo'lishi kerak

Qadam 6

"Yong'oqcha" pechenyesiga mo'ljallangan qolipni qizdirib olamiz. Bizlar elektr tokida ishlaydiganidan foydalandik

Qadam 7

So'ng xamirdan gilosdek kattalikdagi bo'lakchalarni ajratib olamiz va qolipga solib ustidan bosamiz. Yopib, tillarangga kirgunicha pishirib olamiz

Qadam 8 Asosiga:

Qaynatilgan quyultirilgan sutga yong'oqni maydalab solamiz va aralashtirib solamiz

Qadam 9

Pishgan pechenyelarni sovutib, yarmiga to'ldirib asosdan solamiz va ikkinchisi bilan yopamiz. Yoqimli ishtaha!